” सागर शेळके ” यांनी घेतला आक्षेप…..
भिसेगाव – कर्जत / सुभाष सोनावणे –
कर्जत तालुक्यातील डिकसल येथे भर रस्त्याची साईड पट्टी खोदल्यामुळे ऐन पावसाळ्यात माती मुळे ” अपघात ” होण्याची शक्यता असून , या विरोधात स्थानिक रहिवासी व राष्ट्रवादीचे नेते ” सागर शेळके ” यांनी आक्षेप घेतला आहे.
सदरच्या रस्त्याची साईड पट्टी नक्की कोण खोदतोय आणि ती कशासाठी ? याचे निदान समजले नाही. संबंधित ठेकेदार साइड पट्टी खोदून ठेवतात , मात्र हा वाहतुकीचा रस्ता असल्याने वाहनांची सतत ये जा असते , यामुळे अपघात होण्याची शक्यता असते , तर पावसाने माती रस्त्यावर पसरून रस्ता चिकट होतो , यामुळे २ चाकी वाहनांना अपघाताचा धोका असतो. अशी अनेक प्रसंग घडले असल्याने , अश्या खोदकामामुळे धोका असतो.
सदरचा रस्ता हा सार्वजनिक बांधकाम विभागाच्या कार्य कक्षेत असल्याने संबंधित कार्यालयाच्या अधिकारी वर्गाने याकडे लक्ष देण्याची मागणी सागर शेळके यांनी केली आहे.
