…….” कर्जतमध्ये स्वच्छता अभियानाचे महापर्व “…….

महाराष्ट्र भुषण , जेष्ठ निरुपणकार ” डॉ. श्री. नानासाहेब धर्माधिकारी ” यांची जयंती सामाजिक उपक्रमाने संपन्न ! 

भिसेगाव – कर्जत / सुभाष सोनावणे – 

नेहमीच सामाजिक उपक्रमात अग्रेसर असणारे ” महाराष्ट्र भूषण डॉ. नानासाहेब धर्माधिकारी प्रतिष्ठानचे ” श्री सदस्य बांधव कर्जत मध्ये स्वच्छता अभियानातून सर्वांना प्रेरणादायी संदेश देत असतात . यावेळी देखील कर्जत तालुक्यात रविवार दिनांक १ मार्च २०२६ रोजी ” महाराष्ट्र भुषण डाॅ. श्री नानासाहेब धर्माधिकारी ” यांचा जन्मदिवस या निमित्ताने कर्जत तालुक्यात ” महा स्वच्छता अभियान ” संपन्न झाले.

कर्जत नगरपालिकेच्या नगराध्यक्ष सौ. पुष्पाताई दगडे यांचे हस्ते डॉ. नानासाहेब धर्माधिकारी यांचे प्रतिमेचे पूजन करुन स्वच्छता अभियानास सुरुवात झाली. या प्रसंगी उपनगराध्यक्ष संतोष दादा पाटील , नगरसेवक व बांधकाम सभापती महेंद्र चंदन , पाणी पुरवठा सभापती नगरसेविका सुचिता खोत, महिला व बाल कल्याण उप सभापती अंजली कडू , नगरसेविका सुवर्णा जोशी , मानसी कानिटकर, नेहा शिंदे , योगेश आप्पा गायकवाड , अतुल कडू , स्वच्छता निरीक्षक व्यंकटेश रायन , स्वच्छता पर्यवेक्षक निकेश फाळे , राहूल गायकवाड , डॉ. नानासाहेब धर्माधिकारी प्रतिष्ठानचे वतीने भगवान भोसले, शंकर देशमुख , भानुदास पालकर व श्री सदस्य मोठ्या संख्येने उपस्थित होते. 

यावेळी संपूर्ण कर्जत नगर परिषद प्रभागात ही स्वच्छता अभियान श्री सदस्यांनी राबविले . यावेळी कर्जत नगरपालिका क्षेत्रात एकुण ६२८ श्री सदस्यांनी उपस्थिती दर्शवून स्वच्छता क्षेत्र – ५९२५ स्के. मिटर. , ओला कचरा – ३९०० किलो. , सुका कचरा – १२९०० किलो. , तर या अभियानात , नगर पालिका क्षेत्रात ८ कि.मी. रोड स्वच्छ करणेत आला. याप्रसंगी कर्जत तालुक्यांत श्री सदस्यां बरोबर स्थानिक संस्था , नागरिक , पदाधिकारी , शासकीय कार्यालये अधिकारी, कर्मचारी यांचे बहुमोल सहकार्य लाभले व स्वच्छता अभियानात सहभागी झाले. कर्जत नगरपालिका क्षेत्रा बरोबरच भिवपुरी, गौळवाडी , मुद्रे , पोसरी , बार्णे , पिंगळस, वावळोली , दहिवली , सावळे, वदप, भिसेगाव , वावर्ले , सांगवी येथील बैठकीतील सदस्यांनी स्वच्छता अभियानात सहभाग घेतला होता.

 कर्जत तालुक्यात या स्वच्छता अभियानास उस्फुर्त प्रतिसाद मिळाला. अनेक शासकीय अधिकारी व कर्जत नगर परिषदेचे उपनगराध्यक्ष संतोष दादा पाटील यांनी डॉ. नानासाहेब धर्माधिकारी प्रतिष्ठानचे डाॅ. आप्पासाहेब धर्माधिकारी, डॉ. सचिन दादा धर्माधिकारी यांचे आभार व्यक्त करत प्रतिष्ठानच्या या सामाजिक कार्याचा गौरव केला.